Euskadi literatur saria Sarrionandiari ez ematea erabaki du Eusko Jaurlaritzak

                                                                             Aldalur MALEN

Joseba Sarrionandiak, Euskadi literatur saria irabazi du epaimahaiak horrela erabakita Moroak gara behelaino artean? Saiakerarekin. Hala ere, Eusko Jaurlaritzak sari bezala eman beharko zizkion 18.000 euroak ez ematea erabaki du. Horren arrazoia, bere ibilbide politikoa, kartzelatik ihes egin izana eta oraindik ETAren terrorismoaren aurka adierazpenik egin ez izana dela dio Eusko Jaurlaritzak.



Pamiela argitaletxeko argazkia

EAk Blanca Urgell, kultura sailbururi, erabaki honen inguruan adierazpenak egiteko eskatu dio. EAk dioenaren arabera Eusko Jaurlaritzak politika eta literatura nahastu ditu eta epaimahaiak hartutako erabakia errespetatu eta saria eman beharko litzaiokeela uste du.

Gorka Maneiro UPDko eta Carlos Urquijo PPko eusko legebiltzarkideei aldiz, onartezina iruditzen zaie Sarrionandia irabazle bezala adieraztea eta Lehendakariari adierazpenak egiteko eskatu diote.

El Diario Vasco

GARA

BERRIA

Gasteiz eta Urbina, AHTaren aurka

Euskal Herrian AHTaren aurkako eguna dela aprobetxatuz gaur goizean Urbinatik (Araba) Gasteizeraino abiatu da AHTren aurka egin duten oinezko martxa.  Protesta hau 2009an Abiadura Handiko Trenaren aurka egindako protesta batean atxilotutakoen omenez izan da. Izan ere, datorren asteazkenean atxilotu horien aurkako epaiketak hasiko dira. Behin Gasteizera helduta AHT gelditu! Elkarlanak manifestazio nazionala egin du arratsaldeko seiretan, Urbina berreskuratu, AHT gelditu! Epaiketarik ez! lelopean. 

2009 urtean Ertzaintzak zortzi lagun atxilotu zituen Urbinan, eta sei lagunen aurkako karguak aurkeztu dituzte. Sei horietatik bosten aurka espetxe zigorra eskatu dute eta lauren aurka berriz, bi urteko espetxe zigorra desordena publikoarengatik. Beste bati, agintaritzaren aurkako atentatua egitea leporatu diote eta horrentzako lau urteko zigorra eskatu dute.

Epaituko dituzten gazteek aste honetan salatu dute atxilotuta egon ziren ia hiru egunetan  tratu "oldarkorra, umiliagarria eta iraingarria" jaso zutela. Okasioa aprobetxatuz, manifestatzaileek gogorarazi zuten AHTa egiteko lurra berreskuratzeko "denbora batez" egindako ekimenean  parte hartu zutela soilik, eta gehienek hori ere ez zutela lortu.

Bestalde, epaituko dituzten pertsonekiko elkartasuna adierazteko mila pertsona inguruk beren burua erruduntzat jo dute Elkarlaneko kideek adierazitakoaren arabera. Elkartasun ekintzen artean autoinkulpazio kanpaina bat hasi zuten duela hiru aste. Oraindik AHTaren aurkako martxa zaleak ekimenak egiten hasiberriak dira, baina uste dute etorkizunean lorpen handiak izango dituztela.

Herri Eguna ospatu zen atzo Oñatin

Asteburu hau berezia izan da Oñatiko biztanleentzako, izan ere, larunbatean Herri Eguna ospatu zuten, egun handia bertakoentzat. Jaiei hasiera emateko, ostiral gabean bost taldek kontzertu “kallejeruak” eskaini zituzten txosna gunean. Nahiz eta hurrengo egunean Herri Eguna izan, jende ugari hurbildu zen txosnetara kontzertuez gozatzeko.

            Larunbatean, baserritar jantzia armairuetatik atera eta Oñatiko kaleak jendez bete ziren. Goizean hainbat ekintza burutu ziren: Plazan esaterako, sagardo dastatzea egin zen, aurtengoa 25. izanik. Unibertsitate inguruan berriz, urtero moduan barazkiak, fruituak eta postreak dastatzeko aukera paregabea egon zen. Honez gain, “ganauan ferixia” ospatu zen baita ere, bertan behiak, ardiak, txerriak eta oiloak aurki zitezkeelarik.

            Eguna aurrera joan ahala, urtero bezala, Herri Bazkaria egin zen Zubikoa kiroldegian. Arratsaldean, txosna gunean Euskal preso eta iheslarien etxeratzea eskatzeko, ekitaldi bat egin zen eta ondoren txaranga manifestaldia.

            Gabean, 23:00 k inguru, Bizarduna talde nafarrak kontzertua eskaini zuen txosnetan, eta ondoren Miren, Agur eta Gorka trikitilariek ikuskizun paregabea eman zuten.

                            Oñatiko kaleak, goienatik aterata

               Aurten, beste urteetan baino jende gehiago urreratu da Oñatira, bai goizean eta baita gabean ere, bertako kaleak jendez gainezka egon ziren.

            Baina, oraindik ere jaia ez da amaitu, bihar Irailak 3, “bixamon” eguna ospatuko da eta. Herritarrak mozorrotu egiten dira eta horrela jaiei amaiera ematen die.

"Martin Larralde" liburu eta diskoa salgai

Hiru urtez proiektuan buru belarri lanean jardun ondoren, hemen da Martin Larralde diskoa eta liburua. Aurreko ostegunean (irailak 29) aurkeztu zen lan hau Arrasateko gaztetxean Eneko Barberena eta Mikel Ocejaren eskutik. 40 testuk edo hausnarketek eta 11 abestik osatzen dute obra hau. Honen helburua, Barberenak dioenez, istorioak eta kontaketak mantentzea, memorian gordetzea litzateke. Izan ere, sorkuntzaren eta literaturaren bitartez gertakariak denboran irauten dute.

            40 hausnarketa horiek, Arrasaten eta inguruan gertaturiko bizipenak biltzen dituzte. Hitzak Barberenak egin ditu eta Oceja musikaz arduratu da, hots, hitzok ilustratzeaz. Abestien grabaketak Bonberenean, Arrasateko Shot!, Aretxabaletako Lazkano eta Gasteizko Hala Bedi estudioetan burutu dira.

Lan honek hainbat kolaborazioa izan ditu, hala nola, Pirrintx eta porrotx, Gose, Ain_1, petti F21 (Arkaitz Biain eta Beñat Irazabal), Bihotz bakartien kluba, Xabi Strubell, Enaitz Alustiza, Manex Agirre...

            Gaztetxean egin zen aurkezpenean, bi egileek liburuaren eta diskoaren nondik norakoak azaldu zituzten, eta bukaeran Ain_1 taldeak kontzertua eskaini zuen. Ostegunean izandako hitzorduan, diskoa eta liburua salgai jarri zuten 10 eurotan, eta bailaratik egingo diren salmentak Barberna eta Ocejak egingo dituztela esan dute. Euskal Herrian egingo direnak ordea, Bonberena Ekintzak ekimenaren esku geratuko dira.

            Proiektuaren aurkezpenarekin amaitzeko, lana posible egin duten guztiei eskerrak ema zizkien bi egileek eta jendea liburu eta diskoa erostera animatu zituzten.

 Eneko Barberena eta Mikel Oceja, Mondraberri.cometik aterata

http://martinlarralde.org/

Chillida Leku museoak ateak ireki ditu asteburu honetan bi egunetarako

Eduardo  Chillida  eskultorearen Hernaniko museoak ateak berriro ireki ditu 48 orduz. Asteburu honetan irekitzearen arrazoia da bi egunetan eskulturgileari dedikaturiko mintegi bat egin dela. Mintegi hau Chillidaren pentsamendu filosofikoa eta bere esperientzia estetikoa analizatzeko izan da. Mintegiaren izena “Al alba conocí la obra” da, izan ere hitz hauek erabili zituen Chillidak  artea deskubritu zuen momentua deskribatzeko.

Museo honek pasa den urteko abenduaren 31an itxi zituen ateak, Gipuzkoako Diputazioaren, Chillida familiaren  eta Eusko Jaurlaritzaren artean finantzazeko akordiorik lortu ez zelako. Baina artista honen miresleek gaur arratsaldera arte izango dute aukera bere obretaz gozatzeko.

Atzoko mintegietan Chillida eta beste filosofo (San Agustin, Martin Heidegger eta Gaston Bachelard) batzuen pentsamenduen arteko konexioari buruz hitz egin zuten. Gaurkoan berriz, eskulturgilearen izaeraz, espirituaz eta obrei buruz eztabaidatuko dute. Museoko arduradunek bidalitako komunikatuaren arabera, guztira lanbide eta nazionalitate ezberdineko 120 pertsona inguru pasako dira Hernaniko museotik bi egun hauetan.

Mintegiak mundo osoko pertsonalitate batzuek emango dituzte:  Ana María Rabe, Braunschweigko arteetako unibertsitatean filosofian doktoratutakoa. Ricardo Pinilla Burgos, filosofian eta estetika eta antropologian Madrilgo pontifize unibertsitatean doktoratutakoa eta Susana Chillida, New Yorkeko Columbia unibertsitatean heziketan doktoratutako emakumea.

                                      Chillida Leku, Hernani (Gipuzkoa)/ Nekatur.net

Euskal ikastolen jaia ospatuko da bihar Azpeitian

Euskal ikastolen jaia ospatuko da bihar Azpeitin. Urtero bezala kilometroak ospatuko dira Gipuzkoan urriko lehen igandea aprobetxatuz. Bertan, batuko dira gipuzkoarrak euskal ikastolen aldeko jaia ospatzeko. Aurtengo kilometroak Azpeitiko Ikasberri kooperatibak antolatu ditu eta herritarren laguntzaz urtero bezala euskara oinarri hartuta musika, jaia, eta ikuskizunak izango dira nagusi.

KLIK izan da aurtengo leloa eta Ze esatek! Taldeak jarri dio doinua eta letra aurtengo abestiari. Hori dela eta, Ze esatek! Taldea protagonista izan zen bai kilometroetako presentazioan baita kilometrotan ere. Honez gain, ken7, Lauroba, Kasik, Egurra eta kitto, Des-kontrol eta beste hainbat talde izango dira entzungai. Gainera umeentzako pailazo eta ikuskizun ugari ere izango dira.

Igandean gainera, euskal derbia jokatuko da Donostian Erreala eta Atlhetiken artean eta hori dela eta, pantaila handi bat jarriko dute Azpeitiko Garmendigainen. Horrez gain, beste bi txosna gunetan ere pantaila txikiago batzuk jarriko dituzte futbol zaleek partiduaz goza dezaten.

Orain dela 10 urte ere Azpeitin ospatu ziren kilometroak eta eguraldiak ez zuen batere lagundu. Aurten aldiz, badirudi eguraldia alde dutela Urola aldekoek, beraz, jai giroz eta euskara ahoan dutela ospatuko dute hara hurbiltzen diren guztiek euskal ikastolen eguna.

kilometrotako web orria

San Jeronimo jaiak auzolanean

San Jeronimo jaiak hasi ziren atzo Mutriku eta Ondarru artean dagoen Mijoa auzoan. Jaiak antolatzeko inguruko 15 baserritako biztanleek eta laguntzeko prest dauden inguruko jendeak gogor egin du lan, jai giro polit bat lortzeko.” Elkarlanean egiten ditugu gauzak. Horrek ematen digu indarra”, azaldu du San Jeronimoko jai batzordeak.

San jeronimo jaietako erromeria.El Diario Vascoko argakia

Jai Batzordeak maiatzetik dihardu jaien egitasmo honetan lanean eta abuztuan hasi ziren eginbehar handienak egiten. Orain aldiz, iluntzero egiten dituzte bilerak azken eginbeharrak lotzeko.

Jaiak atzo hasi ziren txupinazoarekin goizeko 10:30etan eta egun osoan zehar ekintza ugari ospatu ostean kupela taldearen kontzertuarekin bukatu zen San Jeronimo eguna. Hala ere, jaiak iganderarte jarraituko du San Jeronimo auzoan.

Igandean, Mijoa oroitzapenean egingo dute berriro. Iaz eduki zuen arrakasta ikusita auzokoek berriro ere erakustaldia errepikatzea erabaki dute. Mijoa oroitzapenean egitasmoak antzinako jarduerak jendeari erakustea du helburu. Esaterako, taloa nola egin, belarra nola moztu, arropak nola garbitu...Gainera, erakustaldian antzinako hainbat herraminta ere egongo dira ikusgai. Honez gain, aurten egongo da berritasunik, izan ere, Josu Larrañagak senda belarren inguruko hitzaldi bat eskainiko du.

Jaiak auzo bazkari batekin bukatuko dira, eta horrela, agur esango diote Mijoako bizilagunek San Jeronimo jaiei. Horrela, auzokoek hurrengo urteko jaiak prestatzeari ekingo diote laster.

San Jeronimo jaietako egitaraua