Erdi Aroko Azpeiti

Erdi aroko azokak Azpeitiako kaleak jantzi ditu atzo eta gaur. Bertan, kale animazioa eta postuak izan dira protagonista nagusiak. Azpeitiko kaleak Erdi Aroko jantziekin eta banderekin bete zituzten beste urte betez. Azoka eguerdiko 12:00etatik arratsaldeko 20:00ak arte egon zen ikusgai eta gaur ere ordutegi bera izango du. Hala ere, Azpeitiko Erdi Aroko azokan bertako dendak ere izan zuten lekua. Horrela, azpeitiko Bertan denden elkarteak beraien dendak kalera atera zituzten.



Erdi Aroko postuak. Diario Vasco-ko argazkia



Erdi Aroko azoketan ohikoa den bezala gaur ere ez da faltako kale animaziorik Napar bideak taldearen eskutik ez eta musika bandaren ekitaldirik ere, atzoko egunean izan genituen bezala. Honez gain, Erdi Aroko dantzak eta Napar bideak taldearen kale animazioa ere izango ditugu ikusgai. Azkenik, arratsaldeko 20:00etan postuak itxiko dira, horrela belarritako, bitxi eta beste hainbat gehigarri hurrengo urte arte agur esanaz.

Bertan denda elkarteko postuak gaur ere ikusgai izango dira. Azokan, herriko 30 denda inguruk hartuko dute parte, eta dendan baino prezio baxuagoan salduko dituzte beraien produktuak. Honako hau da azokan parte hartuko duten denden zerrenda: Aitzaki, Jostaldi, Kalani, Larrañaga, Santi Lazkano, Arku, Babesa, Biur, Irati, Los Tejanos, Sorgin, Urrestilla, Zuri-beltz, Oinkari, Yuritz, Arantxa, Haurtxoa, Pipes, Agirre, Igan, Malats, Nerea, Trapos, Kukua, Farmazabal, Bapi, Alzuaran, Kimu bat, Brod Konpon, L.Xaxarki, Koh Tao eta Otola

Maritxu Kajoi kantue

Maritxu Kajoiko komisiñuak bultzatuta, aurten Maritxuk abesti berri bat izango du. Arrasaten ospatzen den jai hau geroz eta hurbilago dago, eta horregatik, betiko abestia baztertu gabe, kantu berriaren diskoa tabernetatik banatzen hasi dira. Interneten ere entzungai dago.

          Never Surrender taldea izan da letrari doinua eman diona, eta letra bera komisiñoko hiru kidek egin dute, beraien artean Jokin Labayen bertsolariak. Abestiak kolaborazio ugari izan ditu, hala nola, Anger taldeko Arkaitz Biain, Ain_1 taldeko Ainara Kortabarria, Goseko abeslaria den Ines Osinaga, “Harristi” eta Dragoialde txarangako hiru lagun ( tropeta, tromboia eta saxofoia).

           Abesti honen helburua, jaia berritu eta era berean girotzea da, baina komisiñokoek argi utzi dute abesti berria ez datorrela abesti zaharra ordezkatzera, biak osagarriak direlako.

          Urriak 7 an ospatuko da aurtengo Maritxu eta ospakizunerako behar den materiala prestatzen ari dira jada. Egun handian herritarrentzako ezinbestekoa den eskapularixoa esaterako. Urtero bezala, tradizioak agintzen duenez, Maritxu Kajoiko aurreko ostiralean “Nobenaixua” ospatzen da. Herriko plazan, Maritxu Kajoiren azpian, Arabako Errioxar ardoa eta gazta herritarren artean banatzen da muxu-truk. Txosnetako txandak ere martxan jarri dira, hauek herriko tabernetan daude  bertan parte hartu nahi dutenentzat.

               Abesti berriaren letra, Mondraberri.com etik aterata

       Egun handia da arrasatearrentzat eta, beraz,  komisiñoko kideek, herritarrei eta inguruetatik hurbiltzen diren guztiei ondo pasatzera gonbidatzen die.

Abestia hemen entzungai:

http://www.mondraberri.com/mondraberri/contenidos.item.action?id=534328&menuId=7014731&onlypath=true

Basque Culinary Center, Donostiako sukaldaritza fakultate berria

Basque Culinary Center izeneko sukaldaritza fakultate berria bihar inaguratuko da donostian. Sukaldaritza zentro berria Miramongo fakultatean kokaturik dago eta 70 ikaslek estreinatuko dute 2011-2012ko kurtso honetan. Sukaldaritzan zentraturiko proiektu honen iniziatiba Mondragoneko Unibertsitateak izan du eta mundu osoan dauden sukaldaritza fakutate bakarretakoa da.

Basque Culinary Center edifizioa argazkian, El Diario Vascotik hartutako argazkia. 

        17 milioi euroko kostua izan du fakultatea eraikitzeak eta edifizio guztia ekipamendu onenekin betetzea. Finantziazioa Zientzia eta Berrikuntza Ministerioaren eta Eusko Jaurlaritzaren eskutik izan da. 15.000 metro karratu erabilgarri ditu zentroak. Honen diseinuaz Vaumm estudio donostiarra arduratu da. Edifizioa plater pilatuen antzera diseinaturik dago. Bertako ikasleek sei ikasgai izango dituzte: Sukaldaritza teknikak, elikadura eta sukaldaritzaren historia eta soziologia, lehengaiak edota informatika besteak beste. Irakasleak sukaldaritza arloko hainbat aditu izango dira.

Joxe Mari Aizeaga da BCCren zuzendaria, eta zentro honen patronatuan aski ezagunak diren sukaldari euskaldunak daude: Juan Mari Arzak, Pedro Subijana, Martin Berasategui, Hilario Arbelaitz, Andoni Luis Aduriz, Karlos Argiñano eta Eneko Atxa.

Proiektu arriskatu hau “ilusio handiarekin” jaio dela dio BCCko zuzendaria den J.M Aizeagak, izan ere P. Subijanak eta J.M Arzakek duela urte batzuk egindako saiakera berberan porrot egin zuten. Arrazoi horrengatik izan du proiektu honek hain harrera ona.

Andaluziarren XXII. topaketa

Arrasate izango da Andaluziarren XXII. topagunea aurten. Urtero bezala, Andaluziako udalerri bat omenduko da, Kordobako Montilla herria izango da aurtengoa. Ospakizunak 3 egun iraungo du eta Arrasateko kaleak musikaz eta jai giroz beteko dira.

Topaketa honen atzean, Al-Andalus elkartea dago, Arrasaten bizi diren andaluziarren bilgunea. Honen presidente den Rafa Gomezek, eskerrak eman dizkie elkarteko bazkide eta bertara hurbildu diren jendeei. 46 urte Euskal Herrian bizi ondoren, oraindik ere Montillakoa sentitzen da Gomez eta bertatik hurbildutako jendeari eskerrak eman dizkie baita ere.

            Bestalde, Juan Garciak, Euskadiko Andaluziar Elkarteetako Federazioko presidenteak adierazi duenez, andaluziarrak ondo integratuta daude Euskal Herrian eta horregatik hemengoei asko eskertu behar zaiela esan du.

            Montillako alkatea ezin izan da topaketetara etorri eta bere ordez, bertako alkateorde den Pepe Repiso hurbildu da.

            Ostiralean eman zioten hasiera jai honi Lau bide plazan hainbat ekitaldi eta kontzertuekin. Arratsaldean, Sueños de Andalucia dantza taldeak eta Al Andalus abesbatzak ikuskizun paregabea eskaini zuten. Gabean berriz, Una noche sin Sabina taldeak plaza musika alaiez girotu zuen.

       

                                                         

   

Dantzariak, Mondraberri.com etik  aterata

             Larunbatean, goizeko 12:00ean hainbat taldek dantzaldia eskaini zuten. Arratsaldean berriz, Erregio Etxeetako abesbatzen emanaldia egon zen, eta gabean afaria eta Sonora rock talde Valentziarraren eskutik kontzertua.

            Igande goizean mesa bat ospatuko da San Frantzisko elizan eta topaketei amaiera emateko, Maria de la Colina abeslariak kontzertu bat emango du.

        

Nafarroan, kalitatezko irakaskuntza publikoaren alde

Nafarroako gobernuak azken urteotan irakaskuntza publikorako aurrekontuan murrizketa handiak egin ditu azken urteotan. Pixkanakako murrizketa horiek dakartzaten ondorioak nabariagoak egiten ari dira denbora pasa ahala. Horregatik,  irakaskuntza publikoko arlokoek murrizketa horien aurka egitea erabaki dute. Iruñean, Urriaren 22rako manifestazio deialdia egitea erabaki dute, Nafarroako irakaskuntza publikoa arriskuan ikusten dutelako.

    Martxa “Kalitatezko irakaskuntza publikoaren alde” lelopean egingo dute. Manifestazio deialdia egin dutenek diote jendarte osoarentzat orekaren eta gizarteratzearen bermea dela kalitateko hezkuntza publikoa. Murrizketen aurka Irakaskuntza publikoaren manifestua argitaratu dute, non bertan hezkuntza publikoa hobetzeko beren ideak eta eskakizunak ageri diren.

          Eragileek uste dute Nafarroako gobernuak dirua baduela kalitatezko hezkuntza publiko bat finantzatzeko, baina nahia falta dela. Hala, parlamentariei “atzerapausorik” ez emateko eskatu diete.                                                                   

Gobernuari berriz, murrizketak eteteko exijitu  diete. Nafarroan, Barne produktu Gordinaren (BPG) %4,5 a hezkuntza publikorako da, Europar batasunean baino % 0, 5 puntu gutxiago. Aurten, Nafarroako gobernuak hezkuntzarako aurrekontuan %13 murrizketak egin ditu, hau da zifretan 50 milioi euro gutxiago jarri ditu.

Manifestazio deialdia, Iruñean Noticiasdenavarra.com-etik hartutako argazkia.

Krisiaren ondorioz oraina hipotekatua dutela , baina haien semeen etorkizuna arriskuan ez ezartzeko eskatu diote eragileek gobernuari. Manifestazio deialdia egin dutenek Urriaren 27an greba egitea babestu dute.

Oihana Kortazarri omenaldia

Oihana Kortazar atletismoko kirolariari Elgetarrari omenaldia egin zitzaion atzo arratsaldean Mutriku. Zegama-Aizkorri deituriko bueltan, lehenengo postua lortu zuen Ohianak, horrela, orain arteko munduko txapelduna zen Emanuelle Briziori postua kenduz. Honez gain, FEDME deituriko taldean parte hartuko du Espainiako lasterketan.

Ohiana kortazar bere semea eskuetan duela.
Desnivel.com-etik ateratako argazkia

Omenaldia arratsaldeko 20:00etan izan zen herriko plazan. Kortazarri arrera egiteko herriko bi dantzarik aurreskua egin zioten lehendabizi. Ondoren, balkoitik agurra luzatu zien herritarrei eta bere oroigarria jaso eta gero mahai inguru bat ireki zen, non bertan, herritarrek galderak egin zizkioten munduko txapeldunari. Omenaldia bukatzeko lunch bat antolatu zuen udaletxeak ekintzara urreratu ziren herritar guztientzat.

Zegama-Aizkorri deituriko bueltak hainbat zailtasun ditu bere baitan, besteak beste, Aratz, Azkorri, Aketegi eta Atxuriko mendi gainak. Hala ere, Elgetarra lasterketaren buruan joan zen ibilaldi guztian zehar.

Kortazarrek azken urtetan atletismoa alde batera lagata utzi zuen bere haurdunaldia zela eta. Orain berriz badirudi ezin hobeto lotu dituela ama eta txapelduna izatea. Izan ere, Zegama-Aizkorri deituriko lasterketan azken metroak bere semea eskuetan zuela egin zituen.

Mutrikuko herriak omenaldi jendetsu batekin hartu zuen atletismoko kirolaria herriko plazan. Giro polita izan zen nagusi bai kalean baita mahai inguruan ere. Herritarrek bere miresmena adierazi zioten Oihana Kortazarri.

“Supersur” saihesbide berria, polemika bizian

Polemika artean jaio da duela egun eskas batzuk inaguratu zen “Supersur” saihesbidea,  Bilbo inguruko hainbat herri lotzen dituena,  eta iadanik eztabaida ugari sortu ditu bidaisariaren prezioak.

 36 kilometro dituen saihesbide honek Santurtzi eta Amorebieta lotzen ditu eta  bi fasetan banaturik dago : Lehenengoa Santurtzitik Arrigorriagaraino eta bigarrena Arrigorriagatik Amorebietara. Hirugarrengo fase bat eraikitzearen proiektua estudiatzen ari dira,  Abanto (Sanfuentesko auzoa) eta Trapagako harana lotuko lituzkeena.

“Supersur”-aren eraikuntza Euskal Herriko azpiegitura publikoetan egin den inbertsiorik garestiena da Euskal Y-aren atzetik. Azpiegitura hau Espainian kilometro bakoitzeko koste gehien duen karretera da. Honek gidarien artean eztabaida eta kexa asko sortu ditu.

Aste honetan bertan Bizkaiko eta Kantabriako kamiolariek “Supersur”-ari boikota egitea erabaki dute Izan ere, egindako kalkuluen arabera kamiolariek hilean 800 euro inguru ordaindu beharko lukete saihesbide berria egunero erabiltzeagatik. Kamiolariek “Supersur”-a  erabili beharrean alternatiba moduan Txorierriko korridoretik  joango direla diote. Prezioak aldatzen ez badira saihesbide berria hutsik geratuko dela uste dute kamiolari batzuek. Egoera salatzeko geldialdiak egitea ere ez dute baztertu.

      

      Bidesariak merkeagoak izatea nahi dute kamioilariek, izan ere Estatuko autopista gehienetan kilometroko 15 edo 20 zentimo ordaintzen dira, hemengoan berriz euro bat. Gainera, saihesbidea gehien erabiltzen dutenentzat deskontuak egitea ere eskatu dute.

Irrien Lagunekin Elkarlanean

Txatxilipurdi euskara eta aisia bultzatzen dituen elkarte bat da, Arrasaten kokatua. Hauen zeregina, umeak entretenitzea eta bide batez euskararen erabilera bultzatzea dela esan daiteke. Horretarako, ekintza asko prestatu eta aurrera ateratzen dute bertakoek: joko erraldoiak, tailerrak, ekitaldiak …

            Txatxilipurdik eginiko ekintza gehienak bati-bat Arrasaten edo Debagoiena bailaran burutu dira, baina aurten Irrien Lagunekin batera Euskal Herri osotik ibiliko dira umeei irria eraginez. Izan ere, Pirritx eta Porrotxen elkarteak Txatxilipurdiren laguntza izango du ekitaldi eta jai desberdinak prestatzeko. Beraz, hau ikusita, arrasatekoek lan talde bat osatu dute eta bertako kideei formazio tailerrak irakatsi diete. Hala nola, txapagintza, globoflexia, tatugintza, aurpegi margoketa … Gainera, lehen esan bezala, aurten alde batetik bestera ibiliko dira eta mugikortasuna hobetzeko furgoneta gidatzeko ikastaroak egongo dira.

            Irail hau jaiez beteriko hilabetea izango da, umeentzako antzerkiak, tailerrak, puzgarriak eta horrelako beste hainbat ekintza egingo dira. Pailazoen urteko lehen jaia datorren igandean izango da Usurbilen. Bertan Irrien Lagunen lehengo festa handia ospatuko da eta irabazi guztiak Etiopia Utopia Fundazioarentzat izango dira, Irribarreak proiekturako hain zuzen ere. Horrela, umeak entretenitzeaz gain, hirugarren munduko biztanleei, kasu honetan Etiopiakoei, osasunaren arlorako laguntzak bidaliko dizkie.

http://www.txatxilipurdi.com/ 

            Honetaz aparte, arrasatearrak beste hainbat ekitaldi burutuko dituzte urtean zehar, auzoak edota herriak alaituz eta irriz betetzeko asmoz.

Taupadaz beteriko gaztetxea

Azken egunotan denen ahotan dagoen gaia da Kukutza III. Bilboko Errekalde auzoan kokaturik dagoen gaztetxea da eta arrisku bizian dago. Izan ere, Bilboko alkate den Iñaki Azkunak, Kukutza etxebizitza berriengatik ordezkatu nahi du. Eraikinaren jabetza Cabisa SA enpresaren esku dago, eta enpresa hau izango da hain zuzen ere etxeak eraikiko dituena.

            Asanblada osatzen duten gazteak, eta baita Errekalde auzoko bizilagun gehienak ere, kukutzaren eraispenaren kontra daude. Eraikin honek gaztetxe izena izan arren, kultur elkarte bat dela diote bertakoek, kulturarekin zer ikusia duten jarduerak aurrera ateratzen baitira. Hala nola, antzerki tailerrak, dantza ikastaroak, yoga klaseak, eskalada klaseak ... Gainera, trukearen bitartez funtzionatzen duen azoka antzeko bat dute, hau da, norbaitek erabiltzen ez duen arropa bertara eraman eta beste bat hartu dezake.

            Baina zoritxarrez, nahiz eta gaztetxe hau bizilagunentzat oso aberazgarria izan, Bilboko udalak eraispenaren orria sinatu eta Ertzaintzaren eskuetan utzi du. Beraz, edozein momentutan eraikina desalojatzen saiatuko dira. Honi aurre egiteko, gazte asanbladakoek bigilantzia guardiak egiten ari dira erresistentziari eusteko asmoz. Honez gain, ekitaldi ugari prestatzen ari dira: kontzertuak, agenda kultural zabala ... Aurreko asteazkenean esaterako, Zea mays taldea bertan izan zen giroa alaitu eta Kukutzaren alde egiteko.

            Beraz, hau ikusita, Kukutzako gazte asanbladakoek eta Errekalde auzoko bizilagunek tentsio uneak bizitzen ari direla esan genezake.

Bideoa hemen ikusgai: http://www.youtube.com/watch?v=e2VieT5ksyohttp://kukutza.blogspot.com/

Gomazko ahateak benetakoen ordez

  

Mutrikun kalbaixo jaietako azken eguna ospatu zen atzo, Piñastei eguna izenez ezagutzen dena. Baina aurten aldaketa batekin ailegatu zaie mutrikuarrei Piñastei eguna. Izan ere, urtero egiten den ahate harrapatzearen jolasa aurten lehenengoz gomazko ahateekin egin dute. Aste honetan bertan eman du jakitera Mutriko udalak.

Orain arte, ahateak bizirik zeudela uretara bota eta herritarrek ahateak harrapatzen zituzten. Hori lortu ahal izateko ahateei hego zati bat mozten die hegan egin ahal izatea ekiditeko.  Hala ere, animalien eskubideak direla eta kexa anitz egon dira horren inguruan eta aurten jokoaren protagonista aldatzea erabaki dute. Hala ere, jolasa lehen bezain dibertigarri izateko gomazko ahate bakoitzari opari bat sartu diote barruan.

Bi gazte gomazko ahateekin. Diario vascoko argazkia.

Erabaki honek arrera oso ona izan du animalien eskubideen alde lan egiten duen ETEAK elkartean. Izan ere, lehengo jokoa animalien eskubideen aurka zihoala zioten. Herritarren artean aldiz eztabaida ugari sortu ditu. Hala ere, udalak dioenez bere agintaldiak irauten duen bitartean piñastei egunean ez da animalia bizirik askatuko.

Gomazko ahateak kenduta beste guztia urtero bezalakoa izan zen, herriko txaranga, zezenak eta kontzertauk izan ziren eguneko protagonista nagusi. Eguraldiak lagundu ez bazuen ere, herritarrak urdinez jantzita bete zituzten portuko kaleak goizetik gauerarte.





Altsasuko jaietan egindako desfilearengatik salatu dute herriko alkatea Auzitegi Nazionalean

Manos Limpias izeneko eskuin muturreko buruak, Garazi Urrestarazuk, Altsasuko alkatea den Unai Hualde Iglesias,  Auzitegi Nazionalean salatu du. Salaketaren arrazoia,  herriko jaietan, pasa den Irailak 3an egindako desfilea onartu zuelako da. Desfile hartan herrialdeko indar armatuak eta Espainiako Erregea ikur naziekin irudikatu zituzten. Alkatearekin batera desfilea antolatu zuten Gazte Asanbladakoak ere salatu ditu euskuin muturreko kideak.

  Azken egun hauetan desfilean grabatutako bideoak polemika izugarria piztu du Espainiako hainbat hedabideetan, bideoa zenbait albistegietan erakutsi baitute azken egun hauetan zehar. Sare sozialetan ere arrakasta ugaria izaten ari da. Bideoan, indar armatuen  desfile bat parodiatzen da, herritarrak Guardia Zibila, Foru Herrizaingoa eta Juan Carlos I Erregea bezala jantzita ageri dira. Bideo honekin Altsasun segurtasun indarren presentzia gehiegizkoa dela salatu nahi izan dute antolatzaileek. Bideoa duela egun gutxi batzuk igo zuen Ezditugunahi izeneko erabiltzaileak Vimeo sare sozialean. Gaur egun, bideoak 16.000 bisita baino gehiago lortu ditu.

  
   Bideoaren amaieran azaltzen den testuak dio desfile osoa parodia bat izan dela, baina zoritxarrez egunero bizi duten errealitatearen antz handia duela. Horregatik ,  ikusleei egoera horri aurre egiteko borroka egitera animatzen die, denek batera indar armatuek bertatik alde egin dezaten lortzeko asmoz.

Hemen duzue ikusgai desfilearen bideoa:

http://www.vimeo.com/28794182

Goitibeheran Kalbaixotik Mutrikura

Kalbaixo eguna ospatu da irailaren 14an Mutrikun. Bertan, urtero bezala goitibeheren jaitsiera izan da ekitaldirik garrantzitsuena. Nahiz eta, zezenak, kontzertuak eta jai giroak laguntzen duen eguna apaintzen.

100 goitibehera inguruk hartu zuten parte eta gehienak lortu zuten osorik iristea. Hala ere, Gurutze Gorriak parte hartu behar izan zuen, goitibeherak ikusten hari zen emakume bat goitibehera batekin beldurtu, mendian behera erori eta hanka bat hautsi zuelako. Beste goitibehera batzuk bazterra jota geratu ziren, gehienak herriko plazaren sarreran, baina ez zen ezer larririk gertatu.

 Goitibeheretan Kalbaixo menditik herriko plazararte jaisten dira mutrikuarrak. Batzuk lagun artean edo familian jaisten dira, baina badira banaka eta binaka jaistera hausartzen direnak ere.

Aurten beste urteetan bezala era guztietako goitibeherak izan ditugu ikusgai: egurrezkoak, burdinazkoak, formula bateko autoen itxura zutenak, bi pisukoak eta kolore guztietakoak.

 Potronor izeneko goitibehera aspaldiko urteetako goitibeherarik ezagunena izan da mutrikuarren artean. Urtero, bera izaten zen azken goitibehera eta berarekin bukatzen zen goitibeheren jaitsiera. Aurten goitibehera hautsi zaie erdi bidean. Herriko goitibeherarik esanguratsuena egur zati bihurtuta geratu da eta urte askoan lehenengo aldiz, goitibeheren jeitsiera ez da potronorren jeitsierarekin bukatu.

Beste urte batez herritarrak beraien goitibeherak hurrengo urterako gorde eta Kalbaixoak bukatzeko falta diren egunak aprobetxatzeari ekin diote.