Irati AGUIRRE
Ostegun arratsaldean jakinarazi du Euskadi Ta Askatasuna talde armatuak, behin betirako borroka armatuari uko egingo diotela. Munduko hainbat hedabideei helarazitako komunikatu baten bidez jakinarazi du taldeak. Beraz, ETAk Donostiako Bake Konferentzian egindako eskakizunari so egin dio eta biolentzia alde batera uztea erabaki du.
ETA 1958. Urtean sortu zen Diktadura Frankista indarrean zegoen bitartean. Guztira talde terroristak 867 pertsona hil eta 77 bahiketa burutu ditu. Urterik odoltsuenak 80ko hamarkadakoak izan ziren, urte horietan burutu zituzten atentatu gehienak.
Bake Adierazpen honen ondoren mota guztietako iritziak berehala iritsi dira. Jose Luis Rodriguez Zapaterok dio ETAren amaiera indarrez hainbeste denbora zehar bakearen alde jardutearen ondorioa izan dela. Rubalcabak uste du Euskal Herritarrak garaipenaren aktore bikainak direla. Rodolfo Aresek, Eusko Jaurlaritzako Barne ministroak dio orain pilota ETAren teilatuan dagoela. Iritzi guztiak ez dira baikortasunezkoak izan, Maria Teresa Fernandez de la Vega, Madrilgo PPko presidentak adierazi du Gobernuak zorrotz jokatuko duela ETArekin.
No hay comentarios:
Publicar un comentario