Ane AGUIRRE
Ikastaroa hilaren 15ena (larunbata) ospatuko da goizeko 9:30etatik eguerdiko 13:30etara, eta bertan sendabelarrak eta aroma-terapiaren gaineko informazioa emango da. Irakaslea Itziar Salegi izango da eta ikastaroaren prezioa 20 eurokoa, auzokoentzako 15 eurokoa.
Hau Bedoña auzoko eskola-etxean burutuko da eta ikasleek atal teoriko eta praktikoak landuko dituzte.
Teorikoari dagokionez, landareen osagai eraginkorrak eta hauek lortzeko bi sistemak (alkohol-estraktuak eta olio-estraktuak) ikasiko dituzte. Bestalde, aromaterapia ezagutzera emango dute, hots, onura fisiko edota emozionalak eskuratzeko landare-olio bidezko terapia.
Arlo parktikoari dagokionez, ikasleek oliotan beratutako sendabelak eta arnasketa-xarabeak nola prestatzen diren ikasiko dute. Gainera, krema aromaterapeutiko pertsonalizatua egiteko aukera izango dute.
No hay comentarios:
Publicar un comentario