Beldurrezko astea hasi da Donostian

Irati AGUIRRE

"Livide"ren zuzendariak filmaren kartelarekin  aurkezpenean. ARP

Fantasiazko eta Beldurrezko Zinemaren XXII.Edizioa hasi da Donostian. Urriaren 29tik Azaroaren 4arte iraungo du. Aste osoan zehar hainbat film labur eta luze proiektatuko dira. 

Filmeez gain, beste  hainbat ekitaldi ospatuko dira; VIII. Komikiaren Jardunaldiak, Vicente B. Ballestar,  Arantza Sestayo eta Rober Garay bertako egileei eskainitako erakusketak,  fantasiazko bildumen erakusketak (Zinema heroiak) eta generoaren zaleen argazkiak (Land of the Free), Malakias artista finlandiarraren lanaren erakusketa, kale antzerkia “Deabru Beltzak”  taldearen esku eta Miguel Nogueraren bakarrizketak.

    Jada, lehenengo filma proiektatu da. “Livide” (Frantzia, 2010) filmak egin dio ongietorria fantasiazko eta Beldurrezko zinemaldiari. Alexandre Bustillo eta Julien Mauryren pelikula izan da lehenengoa aurten. Antzoki Zaharrean izan da emanaldia, 19:45tan. 

http://www.donostiakultura.com/terror/2011/index.php?option=com_content&view=article&id=36&Itemid=10&idn=5817&lang=eu

http://paperekoa.berria.info/plaza/2011-10-29/040/001/gaur_hasiko_da_beldurrezko_astea_livide_filmarekin.htm