Ane AGUIRRE
Naturgas/BBKTransantartika 2011 espedizioa azaroaren 11an hasi zen. Alberto Iñurrategi, Juan Vallejo eta Mikel Zabalza mendizaleak, loiuko aireportutik Afrika Hegoalderantz abiatu ziren eta gaur Antartidara heldu dira.
Espedizioak 3.700 kilometro izango ditu, eta 70 eguneko epean burutu beharko dute. Mendizaleak beraien lerak arrastatzeko kometa batez baliatuko dira soilik.
Hego polora heltzeko, izotzezko itsasoa eta Maud Erreginaren Lurra bezala ezagutzen den pasarela zeharkatu beharko dute. Azken honetan, haitzez osatutako formazioak daude, batzuk 4.000 metrokoak. Gainera, ibilbide hau ez du inork egin oraindik.
Azken hilabete hauetan, hiru mendizaleak abentura hau prestatzen buru belarri ibili dira. Udaberrian esaterako, Groenlandiara joan ziren 2.300 kilometroko zeharkaldi bat egiteko.
 |
| Mendizaleak Loiun, Mondraberri.com |
No hay comentarios:
Publicar un comentario