Gizon kolonbiar bat hilik agertu da A-3102 karreteran Berroztegietan

Irati AGUIRRE

25 urteko mutil bat agertu da hilda Berroztegietan, Araban. Gasteiz eta Zaldiaraineko gaina lotzen dituen  A-3102 karreteran agertu da hildakoa. Gorpua gaueko bederatziak hamagutxitan aurkitu da.

    Ertzaintzak emandako datuen arabera hildakoa jatorriz kolonbiarra da baina Gasteizen bizi zen. Ertzaintzak dagoeneko heriotza argitzeko ikerketa martxan jarri du, bertara desplazatutako agenteek hildako gizon baten berri eman ostean. Gorpua indarkeria zantzuekin agertu da A-3102  karreterako galtzadan, kotxe baten alboan lurrean ezarrita. Ertzaintzak adierazi du epaileak sumarioko sekretua dekretatu duela. 

http://noticias.terra.es/2011/sucesos/1029/actualidad/el-hombre-aparecido-muerto-este-viernes-en-el-alto-de-zaldiaran-tenia-25-anos-y-era-natural-de-colombia.aspx